1. Nuit des Arts Martiaux

Den 9. November 2019 treffen sech zu Diddeleng d’Frënn vun de Kampfsport an de Kampfkënscht fir d’Leit mat enger Show ze begeeschteren.

Et ass datt éischt Evenement an dëser Form zu Lëtzebuerg an eenzegt an der Groussregioun.

Ech hat d’Chance mam Nico Christmann, engem vun den Organisateuren, iwwert dëse Mammutprojet ze schwätzen.

Hei kennt dir de ganzen Interview kucken:

D’Nuit des Arts Martiaux ass den 9 November 2019, zu Diddeleng am Centre sportif René Hartmann. Owes um 19h30 geet de Spektakel lass.

Dir kritt folgend Kampfkënscht, Kampfsportarten an impressionnant Demo’en mat Musik a Lightshow zerwéiert:

  • Aikido
  • Capoeira
  • Hapkido
  • Hwa Rang Do
  • Judo
  • BJJ / Jiu Jitsu Brésilien / Taijitsu
  • Karaté
  • Kick Boxing
  • Capoeira
  • Krav Maga
  • Lapunti
  • Muay Thai
  • Taekwondo
  • Yoseikan

Tickete kaschten, am Virverkaf iwwer nam.lu, 15€ fir Erwuessener an 8€ fir Kanner a Jugendlecher.

Op der Rosport Life Facebook Säit hutt Dir awer elo an nach bis den 28. Oktober 2019 Zäit 2×2 Entréesticketen ze gewannen. Vill Gléck. 

Ech freeë mech schonn op dëst Event!

Tags:
Nico

Nico

Ech, den Nico, hunn an der Mëtt vun der 70er Joer vum leschte Joerhonnert ugefaangen d’Welt ze entdecken. Haut liewenech mat menger Famill am déifste Süde vum Land. Et huet kee mir et verroden, mee bestëmmt war ech emol als klenge Butz an e risegrousst Dëppe voller Optimismus a gudder Laun getrollt. Ob alle Fall begleeden déi zwee mech stänneg. Zënter iwwer engem Joerzéngt schreiwen an illustréieren ech, mat vill Freed, Kanner- a Jugendbicher. A säit e puer Joer hannerloossen ech meng Pefferkäre bei Rosportlife.

Leave a Comment

This site uses Akismet to reduce spam. Learn how your comment data is processed.