fbpx

Bekannt Lëtzebuerger: Fernand Fox

„Dës Texter si fir jiddereen an och fir Leit, déi Lëtzebuergesch léieren. Vill Texter sinn oft ze komplizéiert an am Ufank ze schwéier. Ech schreiwen hei kuerz op einfacht Lëtzebuergesch an erklären ënnert den Artikelen, déi ënnerstrache Wierder op Englesch.
__
 These articles are written for everyone and for people learning Luxembourgish. Most texts are often too complicated and too difficult for intermediate learners. I write short articles in easy Luxembourgish and explain the underlined words underneath the text in English.”
Bild via Espera

De Fernand Fox ass den 26. Januar 1934 op der Bollenduerfer Bréck gebuer an ass e lëtzebuergesche Schauspiller.

Hie war an der Stad an zu Iechternach am Lycée. Duerno huet de Fernand Fox op der Interbank geschafft a vun 1957 bis 1981 op der ARBED. Hien hat och e Café, d’Theaterstuff um Lampertsbierg. Do huet hie geschafft bis hie pensionéiert gouf.

De Fernand Fox ass bekannt fir seng joerzéngtelaang Presenz op de Lëtzebuerger Bünen, als Schauspiller a Reklammssketcher, Kinos- an Televisiounsproduktiounen. 1956 stoung hie fir d‘éischte Kéier am Stater Casino op der Bün, wou hie vum Eugène Heinen entdeckt gouf. Dunn huet hien 3 Joer Schauspillerei- an Dictiounscoursen am Stater Conservatoire gemaach.

Hie war dunn 10 Joer laang Member vum Lëtzebuerger Theater an 30 Joer laang vum Kasemattentheater. Do donieft huet hie reegelméisseg a Produktiounen (dacks Cabaret) matgespillt.

Déi meescht Lëtzebuerger dierften de Fernand Fox kennen, sief dat duerch seng Filmrollen, seng Theaterrollen, Lëtzebuerger Owender, seng Lidder, seng Theaterstiffchen an der Stad, seng Reklamme mam Marc Olinger fir eng grouss Assurance oder och nëmmen duerch seng eenzegaarteg Stëmm.

De Fernand Fox huet ouni Zweiwel den Theater zu Lëtzebuerg markéiert, sief dat duerch seng lëschteg Rollen, oder och spéider duerch eescht Rollen.

De Fernand Fox kritt dëst Joer 86 Joer. Dat ass eng Geleeënheet fir un den “Foxe Fern” ze denken.

Seng Leidenschaft ass d’Schauspillerei, op der Bün stoen.

Fir d’lescht stoung hie fir dem Andy Bausch säi Film “Rusty Boys” virun der Kamera.

Bild via MyWort

Vocabulary:

gebuer = born                                                             

Bühnen (pl.)= stages                                               

sief dat = be it                                                         

ouni Zweiwel = beyond doubt                                 

leidenschaft = passion                                                                                          

 Schauspiller = actor

dunn = then, after that

Stëmm = voice

Geleeënheet = occasion

fir d’lescht = for the last time

Bild via PTD
Tags:
Tania Hoffmann

Tania Hoffmann

Luxembourgish, married, two furry kids, and in love with languages, I’m happy to share my knowledge of my mother tongue Luxembourgish with learners from all cultures and origins. I’m also working as a freelance translator and journalist/writer, mainly in Luxembourgish. Next to languages, I’m addicted to neuroscience and how our brains work. This neverending journey began with my certification as a NeuroLanguage Coach for Luxembourgish.

Leave a Comment

This site uses Akismet to reduce spam. Learn how your comment data is processed.