fbpx

De Superjhemp – den Held vun der Natioun

„Dës Texter si fir jiddereen an och fir Leit, déi Lëtzebuergesch léieren. Vill Texter sinn oft ze komplizéiert an am Ufank ze schwéier. Ech schreiwen hei kuerz op einfacht Lëtzebuergesch an erklären ënnert den Artikelen, déi ënnerstrache Wierder op Englesch.

___

These articles are written for everyone and for people learning Luxembourgish. Most texts are often too complicated and too difficult for intermediate learners. I write short articles in easy Luxembourgish and explain the underlined words underneath the text in English.”

picture via Tageblatt

Mam éischten Album „De Superjhemp géint de Bommeleér“ hunn de Lucien Czuga an de Roger Leiner am Joer 1988 ugefaang eng eenzegaarteg Erfollegsgeschicht ze schreiwen an ze molen.

Bannent dräi Joerzéngten koume weider 29 Alben no. Et ass dee wuel populärste Comic, deen et hei a Lëtzebuerg gëtt, mat geschätzt 250.000 verkaaften Exemplaren.

De Superjhemp ass e Superheld, deen zu Luxusbuerg lieft. Wéi säin amerikanescht Virbild, heescht de Superjemp am Alldag Charel Kuddel. De Charel Kuddel ass e ganz normale Familljepapp a schafft am Ministär fir ongeléiste Probleemer am Service vun den hoffnungslose Fäll.

De Superjemp kritt seng Kraaft vum Kachkéis vun der Juxlait. De Kachkéis, eng lëtzebuergesch Spezialitéit, ass och soss vill villes ze gebrauchen: als Faangnetz oder als Superpech

Och aner Perséinlechkeeten, Firmennimm oder Plaze fënnt een am Superjhemp,  oder ass alles just en Zoufall? Hei e puer Beispiller, kuckt emol, ob Dir wësst ëm wat et geet!

  • Luxusbuerg, gëtt et dat Land wierklech?
  • Wat bestellt de Superjhemp hei: „E Räpsert, wgl.!“
  • Den deemolege „Groussdiktator“ mam Jottzéjott zum Beispill. Kennt Dir hien?
  • De Kachkéis vun der Juxlait? Hutt Dir e scho geschmaacht?
  • Kennt Dir d’Zigarette vun Ducallëf ?
  • Hutt Dir de Fléiboy schonn emol gelies ?
  • Hutt Dir schonn emol am Hotel Schlips geschlof?
  • E gudden Eisekuch vum Jang Eisekuch op der Schueberfouer?
  • Wéi gitt Dir an d’Vakanz, mat der Juxair oder mam Voyages Emile Wibbel?
  • Drénkt Dir gär Uelzecht Béier?
  • Liest Dir heiansdo déi franséisch Gratiszeitung Le Kotzidien ?
  • Dir sidd awer bestëmmt op Feissbuk ?
  • Wou ass d’Schlass vum Groussherzog? Zu Koma-Bierg ?

A wann de Superjhemp flucht, seet hien ëmmer: Poznennö!

Wësst Dir wat dat heescht? Dat ass  Ënnenzopp  vun hannen no vir!

Gitt Iech de Superjhemp an d’Librairie Fernster sichen. A wann Dir net esougär liest, da kuckt de Film vun 2018 „Superjhemp retörns“.

picture via RTL

Vocabulary

bannent = within

wuel = probably

geschätzt = estimated                                                  

Superheld = Superhero

Virbild = role model                                                      

Ministär fir ongeléiste Probleemer = Ministry for unsolved problems

Service vun den hoffnungslose Fäll = Department of hopeless cases

Kachkéis = traditional cooked cheese, cancoillotte         

Faangnetz = save all                                                     

Superpech = super glue

Zoufall = coincidence                                                    

ëm wat et geet = what it’s all about                              

Tags:
Tania Hoffmann

Tania Hoffmann

Luxembourgish, married, two furry kids, and in love with languages, I’m happy to share my knowledge of my mother tongue Luxembourgish with learners from all cultures and origins. I’m also working as a freelance translator and journalist/writer, mainly in Luxembourgish. Next to languages, I’m addicted to neuroscience and how our brains work. This neverending journey began with my certification as a NeuroLanguage Coach for Luxembourgish.

Leave a Comment

This site uses Akismet to reduce spam. Learn how your comment data is processed.