fbpx

Bekannt Plazen: Schilaanglaf am Éislek

„Dës Texter si fir jiddereen an och fir Leit, déi Lëtzebuergesch léieren. Vill Texter sinn oft ze komplizéiert an am Ufank ze schwéier. Ech schreiwen hei kuerz op einfacht Lëtzebuergesch an erklären ënnert den Artikelen, déi ënnerstrache Wierder op Englesch.

___

These articles are written for everyone and for people learning Luxembourgish. Most texts are often too complicated and too difficult for intermediate learners. I write short articles in easy Luxembourgish and explain the underlined words underneath the text in English.”

 

Endlech hu mer och emol erëm richteg Schnéi am Ländchen! Fuert erop bis an d’Éislek a loosst Iech iwwerraschen.

De Schoul- a Sportzentrum zu Wäiswampech mécht, wa Schnéi läit, um 10 Auer op. Hei kënnt Dir alles léinen, wat Dir braucht. Si hunn alles: Schi, Schischong a –bengele fir Kanner ewéi och fir Erwuessener.

Wann Dir prett sidd, gëtt et eng flott Laanglaf-Streck ronderëm de Séi vu Wäiswampech. Si ass fënnef bis sechs Kilometer laang.

Am Schoul- a Sportzentrum kann een awer och Schlitte léinen. Also kommt och mat Äre Kanner oder Enkelkanner erop en Tour mam Schlitt fueren.

Et ginn och nach aner Laanglafpisten. D’Piste vun der Schi-Statioun zu Wäiswampech hunn eng Längt vun am Ganze 14,5 Kilometer. Dat ass dee gréisste Schi-Zenter a Lëtzebuerg!

Och zu Housen kann ee Laanglaf maachen. Och do kritt ee vu moies 10 Auer un am „Camping des Ardennes“ säi Material ze léinen, wann ee keent huet. An da kann ee sech op enger vun den zwou Loipen op de Wee maachen. Awer domat net genuch! Och zu Wolz si fënnef Kilometer laang Schilaanglafpisten am Bësch.

De Schilaanglaf huet esou vill Virdeeler fir d’Gesondheet. Et ass gutt fir den Häerz-Kreeslafsystem a gutt géint héije Bluttdrock, Infarkter an Diabetes. Ufänger verletze sech net dacks duerch déi geréng Belaaschtung vun de Gelenker. Dofir ass de Sport och gutt fir Leit mat Knéie-, Réck– an Hëfteprobleemer.

Et ass also gutt fir d’Gesondheet an och en Naturerliefnes, dat een un d’frësch Loft bréngt an den Alldagsstressvergiesse léisst. Probéiert et! 😊

Vocabulary

                       

de Schnéi = the snow                                                    

iwwerraschen = to surprise, to astonish

léinen = to borrow, to lend                                            

Schi = ski

Schischong = ski boots                                                  

Schibengelen = ski sticks

Erwuessener = adults                                                    

Laanglaf-Streck = cross-country skiing slope

de Séi = the lake                                                           

de Schlitt =  the sleigh

eng Laanglafpist = a cross-country skiing slope              

Housen => Hosingen: small town in the North of Luxembourg

Loipen = cross-country ski runs                                      

Häerz-Kreeslaf-System = cardiovascular system

géint = against                                                             

héije Bluttdrock = high blood pressure

en Infarkt = an infarct                                                   

sech verletzen = to injure yourself

geréng = low                                                                

Belaaschtung = stress, load

Gelenker = joints                                                          

Knéi = knee

Réck =   back                                                                

Hëft = hip

Gesondheet = health                                                    

Naturerliefnes = a special event in a natural setting

frësch Loft = fresh air                                                    

Alldagsstress = everyday stress

vergiessen = to forget                                                   

Probéiert et! = Try it out!

Tags:
Tania Hoffmann

Tania Hoffmann

Luxembourgish, married, two furry kids, and in love with languages, I’m happy to share my knowledge of my mother tongue Luxembourgish with learners from all cultures and origins. I’m also working as a freelance translator and journalist/writer, mainly in Luxembourgish. Next to languages, I’m addicted to neuroscience and how our brains work. This neverending journey began with my certification as a NeuroLanguage Coach for Luxembourgish.

Leave a Comment

This site uses Akismet to reduce spam. Learn how your comment data is processed.