fbpx

Wat Wéi Wou – D’Joreszäiten

Sicht där nach eppes vir äre Kanner déi 4 Joreszäiten op eng intressant Aart a Weis ze erklären?  Wéi ons Natur dobaussen all dréi Méint hiert neit Kleed undeet?

Dann ass dëst Buch aus der Serie Vivi Kremart eng flott Iddi.

An handlechem Format a festem Kartong mat enger Protektioun em déi metalle Spiralen, a mat flotten Obklappsäite weise wonnerschéin Illustratiounen op eng kandgerecht a léif Aart a Weis alles wat et zum Fréijoer, Summer, Hierscht a Wanter ze wësse gëtt. Och wisou et ons kal oder waarm ass a wat dat mat ons mécht.

Déi kleng Fënsteren déi een op de Säiten nach opdecke ka, verstoppen esou munch Iwwerraschung a maachen déi kleng Butzen nach ëmsou méi virwëtzeg.

Den Text, an d’Lëtzebuerger Sprooch iwwersat, dréit senges dozou bei, vir de klengen Entdecker tëscht 2 a 4 Joer och nach e puer Zeilen dobäi virliesen ze kennen.

E flotte Liesespaass vir Grouss a Kleng!

Wann där bei der Verlousung vun engem Buch matmaache wéilt da schreift ons wéi eng Joreszäit iech am beschte gefält. Dëst op Facebooksäit https://www.facebook.com/MartinesLeseecke a bis zum 26.11.2021.

 

Vill Gléck a léif Gréiss.

Martine

 

Illustratioun an Text : Constanza Droop

Originaltitel: Wieso? Weshalb? Warum? junior: Die Jahreszeiten

Iwwersetzung: Kremart Editions

ISBN : 9782919781287

Martine

Martine

Musik, Natur, Sport, Kunst und Kultur und vor allem Lesen. Dies sind einige meiner vielen Interessen. Geboren in Luxemburg und wohnhaft im Westen, bin ich in der Mitte des Lebens angekommen und genieße dessen Vielfalt jeden Tag aufs Neue.    Die Literatur ist für die Menschheit das, was Träume für den Einzelnen sind. Isabel Allende  

Leave a Comment

This site uses Akismet to reduce spam. Learn how your comment data is processed.